У Маладзечне затрымалі грамадзяніна ЗША, якога знайшлі ў парожнім вагоне цягніка, паведамілі ў прэс-службе ДМК.
Парушальніка мяжы — 27-гадовага мужчыну — на чыгуначнай станцыі знайшлі мінскія мытнікі. Ён ехаў з Літвы ў адным з парожніх вагонаў чыгуначнага саставу Кена — Маладзечна.
Амерыканца аператыўна затрымала трывожная група мытні ва ўзаемадзеянні з супрацоўнікамі Маладзечанскага РАУС і ваенізаванай аховы БЧ.
«Для далейшых разборак парушальнік перададзены органам пагранічнай службы», — расказалі ў ДМК.
Звязда, 31 сакавіка 2025
Ссылка на текущий документ: http://belarus.kz/aktueller/0-411/1/77658
Текущая дата: 23.04.2025