Асноўныя аўтамабільныя дарогі Францыі блакіраваны для грузаперавозчыкаў, расказаў беларускі вадзіцель Уладзімір.

"Усе апорныя магістралі перакрыты. Фермеры блакавалі іх трактарамі… Няма ніякага рашэння праблемы. Усе, хто трапіў, проста стаяць і чакаюць", - распавёў кіроўца.

Масавыя блакоўкі пачаліся 24 студзеня і з кожным днём толькі ўзмацняюцца. Цяпер, напрыклад, немагчыма праехаць па трасах А7 ("Шаша Сонца" з Ліёна ў Марсэль) А9 (вядзе ў Іспанію), А35 (вядзе ў Германію і Швейцарыю), а таксама па магістралях у раёне Парыжа.

Фермеры згаджаюцца прапускаць толькі легкавыя машыны.

Пратэстуючыя грамадзяне паляць сваю прадукцыю, у тым ліку яблыкі і агародніну. Яны ўскрываюць некаторыя фуры і выцягваюць груз. Потым раздаюць гэтыя тавары дальнабойшчыкам, гэта значыць фактычна тым самым вадзіцелям, якія гэты груз і перавозяць.

"Вадзіцелям яны нічога не тлумачаць. Учора рабяты спрабавалі аб’язнымі дарогамі праехаць праз нейкія вёскі. Фермеры гэта ўбачылі, перакрылі гэтыя дарогі таксама", - дадаў Уладзімір.

З-за перакрыцця дарог утвараюцца чэргі фур на 20-30 км. Немагчыма развярнуцца, каб з’ехаць назад. Паліцыя проста выконвае ролю пабочнага назіральніка. Пры гэтым фермеры не ўжываюць гвалту да дальнабойшчыкаў.

Дзесяткі тысяч фермераў у Францыі пратэстуюць супраць палітыкі ўрада. Яны не жадаюць, каб краіна імпартавала сельгаспрадукцыю.

Таксама фермеры лічаць цэны на паліва і іншыя выдаткі занадта высокімі.

Раней прафсаюзы папярэдзілі, што пратэсты будуць у большасці дэпартаментаў кантынентальнай Францыі (у 85 з 96).

Мінск, 27 студзеня 2024
Sputnik