Ахвярай падману стала 73-гадовая жыхарка абласнога цэнтру. Яна заўважыла ў сацыяльнай сетцы аб’яву аб тым, што адзін з буйных банкаў дорыць трымальнікам карт па Br200. Пасля таго як жанчына перайшла па спасылцы, яна апынулася на сайце-клоне банка. Не заўважыўшы падмены, пенсіянерка ўвяла персанальныя даныя і ідэнтыфікацыйны нумар свайго пашпарта. Неўзабаве за некалькі транзакцый з яе карты спісалася Br1780.

Бясплатныя падарункі, выйгрышы, магчымасць атрымаць маментальны даход — сярод самых папулярных спосабаў падману ў любой сацсетцы. Аддзяленне па супрацьдзеянні кіберзлачыннасці Першамайскага РАУС Віцебска нагадвае грамадзянам аб гранічнай уважлівасці. Не трэба пераходзіць па спасылках ад неправераных крыніц, уводзіць персанальныя даныя або перадаваць незнаёмым людзям свае паролі і разавыя коды доступу.

Звязда, 6 лютага 2024