Памер індэксацыі тарыфаў на транспартоўку нафты паміж ПАТ "Транснафта" і ААТ "Полацктранснафта Дружба" вызначаны па дамоўленасці, паміж ПАТ "Транснафта" і ААТ "Гомельтранснафта Дружба" - павышэннем дзеючых ставак на сярэднегадавы індэкс спажывецкіх цэн, устаноўлены параметрамі прагнозу сацыяльна-эканамічнага развіцця Расіі на 2017 год, растлумачылі ў Міністэрстве антыманапольнага рэгулявання і гандлю.

У МАРГ расказалі, што ў адпаведнасці з методыкай (механізмам) змянення тарыфаў на паслугі па транспартоўцы (транзіце) нафты па магістральных трубаправодах, размешчаных на тэрыторыі Беларусі, была дасягнута дамоўленасць па памеры індэксацыі тарыфаў паміж ПАТ "Транснафта" і ААТ "Полацктранснафта Дружба" на 11,76 працэнта. Між тым дамоўленасць паміж ПАТ "Транснафта" і ААТ "Гомельтранснафта Дружба" дасягнута не была.

Упаўнаважаныя органы ў галіне тарыфнага рэгулявання Беларусі (Міністэрства антыманапольнага рэгулявання і гандлю) і Расіі (Федэральная антыманапольная служба) таксама не прыйшлі да згоды па памеры індэксацыі тарыфаў.

У адпаведнасці з методыкай, у выпадку адсутнасці дамоўленасці па памеры індэксацыі тарыфаў паміж упаўнаважанымі органамі Беларусі і Расіі, упаўнаважаны орган беларускага боку ў галіне тарыфнага рэгулявання зацвярджае памер тарыфаў на транспартоўку нафты з уводам іх у дзеянне з 1 лютага 2017 года.

Пры гэтым памер тарыфаў вызначаецца павышэннем дзеючых ставак тарыфу на сярэднегадавы індэкс спажывецкіх цэн, устаноўлены параметрамі прагнозу сацыяльна-эканамічнага развіцця Расіі на 2017 год, павялічаны не больш як на 0,03.

У выніку МАРГ прынята пастанова ад 30 снежня 2016 года нумар 48 "Аб тарыфах на паслугі па транспарціроўцы нафты па магістральных трубаправодах, размешчаных на тэрыторыі Рэспублікі Беларусь", згодна з якой раней дзеючыя тарыфы на паслугі ААТ "Полацктранснафта Дружба" па транспартоўцы (транзіце) нафты праіндэксаваны на 11,76 працэнта, на паслугі ААТ "Гомельтранснафта Дружба" - на 7,7 працэнта.

5 студзеня 2017, Мінск
Юлія Огнева - БЕЛТА