"Не трэба занадта ўшчыльняцца ў Мінску — насельніцтва ўжо пачынае крыўдзіцца", — заявіў ён 6 кастрычніка, адкрываючы ўчастак другой кальцавой аўтамабільнай дарогі, паведамляе прэс-служба прэзідэнта. 

"За кальцавой дарогай (у раёне Заслаўя, Радашковічаў, Жодзіна, Смалявічаў, Рудзенска, Фаніпаля, Дзяржынска) — мора месцаў, дзе можна будаваць жыллё і іншыя аб`екты", — лічыць Лукашэнка. 

Паралельна, паводле яго слоў, неабходна ўдасканальваць сістэму зносінаў, дапаўняючы аўтатранспартныя чыгуначнымі: "Гэта будзе зручна, і мы не перанасыцім Мінск". 

Лукашэнка падкрэсліў, што жыллё ў сталіцы неабходна будаваць па мінімуму. "Няма чаго сцягваць усіх у Мінск. Сёння тут жыве амаль два мільёны, пятая частка насельніцтва. Калі яшчэ падцягнем, будзе, як у Маскве, — не павярнуцца", — папярэдзіў ён чыноўнікаў.

Андрэй Серада, БелаПАН
Мінск, 6 кастрычніка 2015