Адзначаецца, што аднаўленне будзе адбывацца паэтапна. У прыватнасці, ужо цяпер пасажырам даступная купля авіябілетаў як на прамыя, так і на стыковачныя рэйсы «Белавія», а таксама магчымасць змены даты вылету. Зрабіць гэта можна ў офісах па продажы авіябілетаў «Белавія», у прадстаўніцтвах і ў агентаў. Вяртанне авіябілета магчыма аформіць па месцы яго набыцця. Калі білет раней быў набыты на сайце belavia.by, для афармлення вяртання трэба звярнуцца ў офісы продажаў «Белавія».

Набыццё дадатковых паслуг можна аформіць толькі афлайн: у офісах па продажы авіябілетаў «Белавія», прадстаўніцтвах, у агентаў. Гаворка ідзе аб правозе дадатковага багажу, асаблівых катэгорыях багажу, перавозцы несуправаджальных дзяцей і жывёл.

Некаторыя функцыі пакуль застаюцца недаступнымі, у кампаніі працуюць над іх аднаўленнем. Гэта датычыцца куплі авіябілетаў на сайце, анлайн-рэгістрацыі, куплі месцаў у салоне самалёта, афармлення любых паслуг з дапамогай плацежнай сістэмы «Разлік», мабільнага дадатку, сэрвісаў праграмы «Белавія Лідар» (асабісты кабінет, афармленне прэміяльных білетаў, выбар месца ў салоне для ўдзельнікаў элітных узроўняў).

Анлайн-рэгістрацыю плануецца запусціць 3 верасня (пакуль без магчымасці выбару месца).

Звязда, 2 верасня 2023