У ДАІ зазначылі, што такая вялікая лічба гаворыць пра актуальнасць праблемы выкарыстання мабільных тэлефонаў пры кіраванні транспартным сродкам.

Нагадаем, у перыяд правядзення акцыі сталічная Дзяржаўтаінспекцыя ўзмацніла кантроль над вадзіцелямі транспартных сродкаў, якія карыстаюцца падчас руху апаратамі радыё- і тэлефоннай сувязі, не абсталяванымі тэхнічнымі прыстасаваннямі, якія дазваляюць весці перамовы без выкарыстання рук. Актыўная праца па выяўленні такіх парушальнікаў Правілаў дарожнага руху будзе прадоўжана. Запланаваныя як рэйдавыя мерапрыемствы, так і прафілактычныя акцыі.

ДАІ нагадвае, што за парушэнне асобай, якая кіруе транспартным сродкам (за выключэннем вадзіцеляў транспартных сродкаў аператыўнага прызначэння), правілаў карыстання радыё- і тэлефоннай сувяззю падчас руху на вадзіцеля накладаецца штраф памерам да двух базавых велічынь, за паўторнае такое парушэнне на працягу года — штраф памерам ад 2 да 8 базавых велічынь.

Вячаслаў Будкевіч, БелаПАН
Мінск, 10 красавіка 2015