Аб`ём перавозак пасажыраў унутраным водным транспартам за восем месяцаў узрос на 2,3% да аналагічнага перыяду 2013 года і склаў 175,5 тыс. чалавек. Пасажыраабарот павялічыўся на 8,9% да 2,4 млн. пкм. 

Аб`ём інвестыцый у асноўны капітал на водным транспарце перавысіў 30 млрд. рублёў. 

У адпаведнасці з графікам працягваецца будаўніцтва суднаходнага шлюза "Залуззе" Дняпроўска-Бугскага канала. 

У сістэме воднага транспарту Беларусі функцыянуюць дзесяць рачных партоў (Бабруйск, Брэст, Гомель, Мікашэвічы, Магілёў, Мазыр, Пінск, Рэчыца, Віцебск, Гродна) і чатыры прадпрыемствы, якія абслугоўваюць водныя шляхі на рэках Днепр, Бярэзіна, Сож, Прыпяць, Заходняя Дзвіна, Нёман, Мухавец і Дняпроўска-Бугскім канале.

Аляксей Арэшка, БелаПАН
Мінск, 22 верасня 2014