Адказваючы на пытанне аб тым, як вырашаецца пытанне аб павелічэнні частаты палётаў паміж Турцыяй і Беларуссю па ініцыятыве турэцкага боку, дыпламат адзначыў, што гэта тэма пастаянна знаходзіцца ў полі зроку. "Мы прапанавалі турэцкаму боку цалкам сумленныя і раўнапраўныя ўмовы супрацоўніцтва, гэта значыць каб "Турэцкія авіялініі" падпісалі з "Белавія" інтэрлайн-пагадненне і ў далейшым код-шэрынг, тады абедзве авіякампаніі змогуць сумесна пачаць нарошчванне колькасці рэйсаў у залежнасці ад колькасці жадаючых", - растлумачыў Андрэй Савіных.

Пасол лічыць, што гэтыя ўмовы нават больш выгадныя для турэцкага боку, чым прапаноўвала сама Турцыя. "Проста Стамбул прэтэндуе на ролю рэгіянальнага хаба, дзе ажыццяўляецца вялікая колькасць перасадак для далейшага пералёту ў краіны Афрыкі і Блізкага Усходу. І гэта ўзаемадзеянне дапамагала б ім умацоўваць транзітную ролю Стамбула. Пакуль, на жаль, мы не бачым належнай рэакцыі з турэцкага боку, але я перакананы, што цяпер, пасля адмены візавага рэжыму паміж нашымі краінамі, гэтыя працэсы пойдуць хутчэй", - лічыць дыпламат. Пры гэтым Андрэй Савіных падкрэсліў, што беларускі бок прадаўжае прыкладаць намаганні для таго, каб авіякампаніі дзвюх краін падпісалі раўнапраўныя пагадненні.

15 ліпеня 2014, Мінск
Кацярына Марковіч - БЕЛТА

Ссылка на текущий документ: http://belarus.kz/aktueller/0-411/152/26643

Текущая дата: 15.11.2024