Пачынаецца праектаванне чацвёртай лініі метро, ​​заявіў старшыня Мінгарвыканкама Уладзімір Кухараў.

Паводле яго слоў, лінія будзе кальцавой – яна часткова прадубліруе другое транспартнае кальцо сталіцы.

Згодна з планам, ветка пройдзе ад вуліцы Арлоўскай і плошчы Бангалор на поўначы да комплексу "Мінск-Мір" на поўдні горада.

Новыя станцыі метро з’явяцца ў Вяснянцы, у раёне вуліц Альшэўскага, Прытыцкага, Харкаўскай, Дзянісаўскай, Даўгабродскай, Уральскай, Платонава і Сурганава.

"Мы пачынаем праектаванне чацвёртай лініі – гэта кальцавая лінія метро: 25 км і 17 станцый запланавана па генплане", - цытуе Кухарава БелТА.

Будаўніцтва новага адгалінавання пачнецца пасля таго, як будзе завершана станцыя метро "Парк Дружбы народаў" на трэцяй лініі метро.

Мэр дадаў, што чацвёртая ветка будзе запатрабавана з улікам узвядзення вялікага мікрараёна "Паўночны бераг", а таксама раёнаў, дзе пражывае больш за 800 тыс чалавек (Фрунзенскі і Маскоўскі).

У панядзелак, 30 снежня, у Мінску адкрыліся тры новыя станцыі метро на Зеленалужскай лініі – "Аэрадромная", "Немаршанскі сад" і "Слуцкі гасцінец".

Sputnik Беларусь, 30 снежня 2024