Пастаянны прадстаўнік Беларусі пры ААН Валянцін Рыбакоў правёў сустрэчу з генеральным сакратаром Арганізацыі Аб`яднаных Нацый Антоніу Гутэрышам. Аб гэтым паведамілі ў прэс-службе Міністэрства замежных спраў.
"Беларускі дыпламат інфармаваў кіраўніка ААН аб непрымальнасці палітычна ангажыраваных высноў даклада рабочай групы Савета Міжнароднай арганізацыі грамадзянскай авіяцыі па расследаванні інцыдэнту, звязанага з пасадкай самалёта авіякампаніі Ryanair у аэрапорце Беларусі 23 мая 2021 года", - праінфармавалі ў МЗС.
Валянцін Рыбакоў перадаў кіраўніку арганізацыі памятную запіску аб пазіцыі Беларусі па гэтай сітуацыі.
У час сустрэчы таксама была закранута праблематыка наступстваў міжнароднай харчовай бяспекі ва ўмовах санкцыйнага націску.
16 жніўня 2022, Мінск
БЕЛТА
16 жніўня 2022, Мінск
БЕЛТА
Ссылка на текущий документ: http://belarus.kz/aktueller/0-411/26/66180
Текущая дата: 26.12.2024