Авіякампанія Turkish Airlines не будзе лятаць да 30 чэрвеня са Стамбула ў Мінск і назад, паведамілі ў Нацыянальным аэрапорце Мінск.

"Turkish Airlines паведаміла аб прадаўжэнні адмены рэйсаў са Стамбула ў Мінск і назад па 30 чэрвеня 2022 года ўключна", - гаворыцца ў паведамленні беларускай паветранай гавані.

Паводле даных самой авіякампаніі, да 30 чэрвеня яе самалёты акрамя Мінска не будуць таксама лятаць у расійскія гарады Сочы, Растоў і Екацярынбург. Ва Украіну рэйсы "Турэцкіх авіяліній" адменены пакуль да 31 мая, інфармацыі аб прадаўжэнні гэтай забароны пакуль няма.

У мінулую пятніцу, 13 мая, генеральны консул Беларусі ў Стамбуле Аляксей Швед сустракаўся з кіраўніком прадстаўніцтва Turkish Airlines у Мінску Ісмаілам Азцюркам.

На сайце дыппрадстаўніцтва гаворыцца, што бакі абмеркавалі шэраг працоўных пытанняў, у тым ліку аднаўленне рэгулярных рэйсаў гэтага турэцкага авіяперавозчыка ў беларускую сталіцу.

Мяркуючы па працягу забароны, перамовы не далі станоўчых вынікаў.

Турэцкая авіякампанія перастала лятаць у Беларусь 25 лютага. З таго часу ніводны борт Turkish Airlines не прызямліўся ў рэспубліцы.

МІНСК, 17 мая 2022
Sputnik