«З 6.00 3 сакавіка па 6.00 4 сакавіка ў Беларусь з украінскай тэрыторыі прайшло 56 грамадзян: Беларусі — 28, Украіны — 26, іншых дзяржаў — 2. Некаторыя замежнікі, прыбыўшы на беларускую мяжу, звяртаюцца па медыцынскую дапамогу. Сёння, 4 сакавіка, да пункта спрошчанага пропуску „Паддабранка“ прыйшла жанчына з чатырохгадовым дзіцем. Па словах маці, у дзяўчынкі былі сімптомы атручвання і высокая тэмпература. Пагранічнікі выклікалі медыкаў, якія даставілі жанчыну з дзіцем у бальніцу», — распавялі ў ДПК.

У ведамстве нагадалі, што беларускія пункты пропуску працуюць у штатным рэжыме.

«Украінскі бок прыпыніў працу сваіх пагранічных пераходаў на мяжы з Беларуссю з 28 лютага. Па пытаннях бяспечнага выезду з Украіны і выбару транзітнага маршруту руху ў Беларусь рэкамендуем звяртацца ў Міністэрства замежных спраў Рэспублікі Беларусь.

Тэлефоны гарачай лініі МЗС Беларусі: (+38050) 406-23-30; (+37517) 379-47-71, (+37517) 379-26-73, (+37517) 279-28-72. Электронная пошта: consul@mf», — дадалі ў ДПК.

Звязда, 4 сакавіка 2022