Ноччу 21 лістапада ў Магілёве нарад ДПС спыніў BMW, за рулём якога знаходзіўся 29-гадовы расіянін. Высветлілася, што з сакавіка гэтага года яму забаронены ўезд у Беларусь. Для разбору мужчыну было прапанавана праехаць у РАУС.

Кіроўца вырашыў адкупіцца, прапанаваўшы інспектару хабар у 5 тыс. расійскіх рублёў. Нягледзячы на папярэджанне аб крымінальнай адказнасці, ён пакінуў грошы ў службовым аўтамабілі.

На месца была выкліканая следча-аператыўная група. У дачыненні да затрыманага ўзбуджаная крымінальная справа за замах на дачу хабару.

Акрамя таго, рэгістрацыйныя нумары іншамаркі ў базе дадзеных ДІБДР Расіі лічацца за аўтамабілем Audi. Па дадзеным факце праводзіцца праверка.

Звязда, 22 лістапада 2021