"За мінулы тыдзень два барты Мі-8 з пляцовак Бергама і Кютах`я, а таксама борт Мі-26 з пляцоўкі Мілас Турэцкай Рэспублікі выканалі 19 палётаў, налёт склаў 37 гадзін 36 мінут. За гэты час экіпажы выканалі 112 зліваў, што складае 507 т вады. Пасля начнога перапынку, у час якога праводзіцца тэхнічнае абслугоўванне верталётаў наземнымі спецыялістамі авіяцыі МНС Беларусі, тры паветраныя судны зноў пачынаюць тушэнне", - расказалі ў ведамстве.

З мая экіпажы зрабілі 225 палётаў і ажыццявілі 1406 скідванняў (5352 т вады). Іх агульны налёт складае 355 гадзін 23 мінуты. Акрамя таго, ажыццёўлена дастаўка 200 турэцкіх ратавальнікаў да месцаў ліквідацыі пажараў. Беларускія экіпажы працуюць у міжнароднай камандзе сумесна з іншымі верталётамі і самалётамі, якія з наземнымі сіламі ажыццяўляюць абарону гарадоў ад вельмі моцных лясных пажараў.

Беларускія ратавальнікі ў ходзе міжнароднага супрацоўніцтва не першы год аказваюць дапамогу ў барацьбе з прыроднымі стыхіямі іншым краінам. Так, авіяцыя МНС была задзейнічана ў тушэнні лясных пажараў у Грэцыі, Расіі, Латвіі і Грузіі, дапамагала пацярпелым ад паводкі ў Сербіі.

6 верасня 2021, Мінск
БЕЛТА