Цягнік № 693 з Мінска адправіцца 7 верасня ў 12 гадзін 14 хвілін і прыбудзе на станцыю Ліда ў 15 гадзін 41 хвіліну.

Госці і ўдзельнікі свята змогуць пабываць на канцэртах, акунуцца ў святочную атмасферу весялосці і прыязнасці і на цягніку № 694 выехаць з Ліды ноччу 8 верасня ў 1 гадзіну 15 хвілін і прыбыць у сталіцу ў 5 гадзін 28 хвілін.

Кошт праезду ў купэйным вагоне складае 10 рублёў 75 капеек, у плацкартным вагоне - 7 рублёў 79 капеек.

Больш падрабязную інфармацыю аб раскладзе руху цягнікоў, якія курсіруюць да станцыі Ліда, можна атрымаць на афіцыйным Інтэрнэт-сайце Беларускай чыгункі www.rw.by, а таксама па тэлефоне Кантакт-цэнтра 105.

Сяргей Расолька
Звязда, 26 жніўня 2019