Конкурс праводзіўся сярод работнікаў Беларускай чыгункі ў трох намінацыях: “Мой родны кут назаўжды ў маім сэрцы!” (тэматыка, звязаная з гісторыка-культурнай і духоўнай спадчынай малой радзімы, яе прыроднай разнастайнасцю, эпізодамі з ваеннага і пасляваеннага жыцця, вядомымі людзьмі, у тым ліку былымі работнікамі чыгуначнага транспарту), “Сваёй працай мы ўславім цябе, малая радзіма!» (тэматыка, звязаная з выкананнем работ па добраўпарадкаванні і навядзенні парадку на малой радзіме, у тым ліку работнікамі Беларускай чыгункі), "З майго дзяцінства аб чыгунцы ўспаміны...” (тэматыка, якая адлюстроўвае ўзаемасувязь чыгуначнага транспарту з малой радзімай).

Усяго на конкурс паступіла 462 работы, паведамілі ў прэс-цэнтры магістралі. Па выніках спаборніцтва ў намінацыі “Мой родны кут назаўжды ў маім сэрцы!” 1-е месца прысуджана электрамеханіку Брэсцкай дыстанцыі сігналізацыі і сувязі Брэсцкага аддзялення дарогі Ксеніі Дзеляпянюк, 2-е месца заняў начальнік Дзіцячай чыгункі ім. К.С.Заслонова Мінскага аддзялення БЧ Валерый Савіч, 3-е месца ў аператара дэфектаскопнай каляскі Віцебскай дыстанцыі пуці Віцебскага аддзялення дарогі Дзмітрыя Пахоменкі.

У намінацыі “Сваёй працай мы уславім цябе, малая радзіма!” прызавыя месцы размеркаваліся наступным чынам: 1-е месца ў камерцыйнага агента па транспартным абслугоўванні станцыі Негарэлае Мінскага аддзялення Беларускай чыгункі Надзеі Караневіч, 2-е месца заняла спецыяліст сектара ідэалогіі і сацыяльна- культурнай работы Баранавіцкага аддзяленя БЧ Ілона Палавінкіна, на 3-ім месцы -- вядучы спецыяліст па сельскагаспадарчай вытворчасці Баранавіцкага аддзялення Беларускай чыгункі Юрый Гайдук.

У намінацыі "З майго дзяцінства аб чыгунцы ўспаміны...” перамогу атрымаў старшы электрамеханік па абслугоўванню і рамонту прылад чыгуначнай аўтаматыкі і тэлемеханікі Гомельскай дыстанцыі сігналізацыі і сувязі Гомельскага аддзялення дарогі Аляксандр Сімцоў, 2-е месца прысуджана электрамеханіку Маладзечанскай дыстанцыі сігналізацыі і сувязі Мінскага аддзялення БЧ Уладзіміру Язерскаму, 3-е месца заваявала прыбіральнік вытворчых памяшканняў Асіповіцкага вагоннага дэпо Магілёўскага аддзялення дарогі Алеся Весёлкіна.

Узнагароджанне пераможцаў адбудзецца ў студзені 2019 года ва Упраўленні Беларускай чыгункі. У Мінскім Палацы культуры і спорту чыгуначнікаў будзе арганізавана фотавыстава з размяшчэннем лепшых фотаработ, прадстаўленых на конкурс. Акрамя таго, работы, якія занялі прызавыя месцы, будуць размешчаны на афіцыйным сайце Беларускай чыгункі.

Сяргей Расолька
Звязда, 23 снежня 2018