"Паводле інфармацыі ВМС Літвы, пажар на літоўскім пасажырскім пароме лакалізаваны, пацярпелых, у тым ліку грамадзян Беларусі, няма", - расказалі ў пасольстве.

2 кастрычніка ў Балтыйскім моры на пасажырскім пароме, які накіроўваўся з Літвы ў Швецыю і перавозіў каля 330 пасажыраў і членаў экіпажа, прагрымеў выбух. У выніку на судне адбыўся пажар. Паром знаходзіўся ў міжнародных водах прыкладна за 135 км ад Калінінграда.

Як паведамляла агенцтва РІА-Навіны, да месца здарэння адразу накіравалі выратавальныя брыгады - восем расійскіх і літоўскіх суднаў. Усе пасажыры былі эвакуіраваны ў бяспечнае месца, яны знаходзяцца пад кантролем экіпажа. Вырашаецца пытанне аб іх эвакуацыі ў Клайпеду.

2 кастрычніка 2018, Мінск
БЕЛТА