Пад Адэсай грузавік пратараніў беларускі аўтамабіль — загінула дзіця і сур`ёзна пацярпелі трое дарослых. Як паведамляе ўкраінскі рэсурс Факты са спасылкай на мясцовую паліцыю, аварыя адбылася 14 ліпеня ў раёне сяла дачны (Бяляеўскі раён Адэскай вобласці) на трасе Адэса — Кіеў. Грузавік урэзаўся ў мінівэн, які стаяў на абочыне.

Ад удару легкавік зляцеў у кювет, атрымаўшы значныя механічныя пашкоджанні (аўто не падлягае аднаўленню). Усе, хто знаходзіўся ў салоне — трое дарослых і дзіця — сур`ёзна пацярпелі. Дзіця ад атрыманых траўмаў памёрла на месцы. Дарослыя шпіталізаваны ў цяжкім стане.

БелаПАН
Мінск, 15 ліпеня 2018