Кітайска-беларускі індустрыяльны парк "Вялікі камень" удастоены прэміі New Silk Road Finance Awards 2019 аднаго з буйнейшых выданняў у сферы фінансаў і інвестыцый Asiamoney, стаўшы пераможцам у намінацыі "Лепшы праект ініцыятывы "Пояс і шлях" у Цэнтральнай і Усходняй Еўропе".

Цырымонія ўручэння ўзнагарод прайшла 25 верасня ў Сінгапуры. На думку адміністрацыі "Вялікага каменя", прызнанне парка лепшым праектам ініцыятывы "Пояс і шлях" у Цэнтральнай і Усходняй Еўропе сведчыць аб умацаванні яго іміджу як міжнароднай платформы для вядзення бізнесу, адкрытай для ўсіх краін.

Asiamoney - выданне, заснаванае ў 1989 годзе, уваходзіць у склад выдавецкай групы Euromoney. Прэмія New Silk Road Finance Awards штогод прысуджаецца фінансавым арганізацыям і эканамічным зонам краін "Пояса і шляху".

27 верасня 2019, Мінск
БЕЛТА