У пераліку незалежна ад краіны паходжання тавараў — мука з пшаніцы мяккай і спельты, крупы грубага памолу з грэчкі, неабадранае зерне грэчкі, гатовыя прадукты харчавання з грэчкі.

Часовая забарона на вываз распаўсюджваецца і на тавары, што знаходзяцца пад мытнымі працэдурамі ў Беларусі да ўступлення ў сілу пастановы і фактычны вываз якіх за межы краіны ажыццяўляецца пасля ўступлення ў сілу дакумента.

Не распаўсюджваецца забарона на тавары, якія вывозяцца за межы Беларусі для аказання міжнароднай гуманітарнай дапамогі замежным дзяржавам на падставе рашэнняў урада, а таксама ў якасці прыпасаў. Забарона не датычыцца таксама міжнародных транзітных перавозак, якія пачынаюцца і заканчаюцца за межамі мытнай тэрыторыі ЕАЭС і якія пачынаюцца за межамі мытнай тэрыторыі ЕАЭС і заканчаюцца ў дзяржаве — члене ЕАЭС, а таксама тавараў, што знаходзяцца пад мытнымі працэдурамі ў іншай дзяржаве — члене ЕАЭС і перавозяцца транзітам праз тэрыторыю Беларусі.

Пастанова ўступае ў сілу пасля афіцыйнага апублікавання і дзейнічае на працягу трох месяцаў.

Звязда, 15 сакавіка 2022