Белорусский портал в Казахстане

Маштабная выстаўка беларускіх вытворцаў пройдзе ў кастрычніку ў Казахстане



Пра гэта паведамілі на выставачным унітарным прадпрыемстве "Белінтэрэкспа" Беларускай гандлёва-прамысловай палаты (БелГПП).

Маштабная выстаўка беларускіх вытворцаў Made in Belarus пройдзе ў Алматы (Казахстан) з 10 па 13 кастрычніка

У выставачным комплексе "Атакент-Экспа" вядучыя беларускія кампаніі прадэманструюць свае тавары і паслугі ў сферах машынабудавання і транспарту, хіміі і нафтахіміі, дрэваапрацоўкі, сельскай гаспадаркі і харчавання, лёгкай прамысловасці, медыцыны і фармацэўтыкі, інфармацыйных тэхналогій, адукацыі, спорту і турызму.

Будуць прадстаўлены таксама тавары народнага спажывання. "Выстаўка "Made in Belarus" стане зручнай пляцоўкай для правядзення дзелавых сустрэч і перагавораў у фармаце B2B.

Прадугледжана мастацкае афармленне выставачнай экспазіцыі з элементамі нацыянальнай сімволікі. Чакаецца, што шырокая рэкламна-інфармацыйная кампанія выстаўкі ў Казахстане прыцягне да яе наведвання значную колькасць прадстаўнікоў казахстанскіх бізнес-колаў", - расказалі на прадпрыемстве.

Казахстан з`яўляецца адным з асноўных эканамічных партнёраў Беларусі сярод краін СНД. У 2017 годзе тавараабарот паміж дзвюма краінамі перасягнуў $500 млн, што на 60 працэнтаў больш, чым у 2016-м. Беларускія трактары, мэбля, керамічная плітка, малочныя прадукты, лякарствы добра вядомы і запатрабаваны ў гэтай краіне. Казахстан пастаўляе ў Беларусь нафтапрадукты, каменны вугаль, валокны з бавоўны. Рынкі дзвюх краін аб`ядноўваюць адзіныя правілы Еўразійскага эканамічнага саюза.

Арганізатарам мерапрыемства выступае БелГПП пры падтрымцы пасольства Беларусі ў Казахстане, выставачным аператарам - прадпрыемства "Белінтэрэкспа" БелГПП.

18 чэрвеня 2018, Мінск
БЕЛТА

Ссылка на текущий документ: http://belarus.kz/aktueller/1-/1/43856
Текущая дата: 23.07.2018