Дэпутаты парламента Казахстана 6 сакавіка прынялі закон "Аб унясенні змяненняў і дапаўненняў у Канстытуцыю Рэспублікі Казахстан" у другім чытанні.

Прадстаўлены на подпіс кіраўніку дзяржавы закон быў накіраваны ў Канстытуцыйны савет, які ў сваім рашэнні пастанавіў, што закон адпавядае Канстытуцыі Рэспублікі Казахстан, у тым ліку канстытуцыйным каштоўнасцям, асноватворным прынцыпам дзейнасці і форме кіравання рэспублікі.

Нурсултан Назарбаеў у студзені бягучага года ініцыіраваў канстытуцыйную рэформу, што прадугледжвае перадачу шэрага паўнамоцтваў ад прэзідэнта да ўрада і парламента. У сувязі з гэтым быў падрыхтаваны праект закона, які на працягу месяца ўсенародна абмяркоўваўся. Па выніках абмеркавання паступіла больш за 6 тыс. прапаноў.

10 сакавіка 2017, Астана
БЕЛТА - КАЗІНФАРМ