"Мемарандум накіраваны на паглыбленне прамога супрацоўніцтва паміж дзелавымі коламі ЕАЭС і Кітая, ажыццяўленне абмену бізнес-візітамі і інфармацыяй аб магчымасцях па развіцці гандлю і інвестыцый. Акрамя таго, дакумент прадугледжвае стварэнне бізнес-дыялогу ЕАЭС - КНР, які стане пастаянна дзеючым органам па рэалізацыі дамоўленасцей паміж бакамі мемарандума", - адзначылі ў прэс-службе.

"Развіццё гандлёва-эканамічнага супрацоўніцтва з Кітаем з`яўляецца адным з прыярытэтных напрамкаў знешнегандлёвай палітыкі ЕАЭС. Па выніках мінулага года тавараабарот з КНР вырас на 25 працэнтаў і дасягнуў новага рэкорднага ўзроўню. Разлічваем, што рэалізацыя мемарандума будзе садзейнічаць далейшаму павелічэнню гандлю і росту дзелавых кантактаў паміж кампаніямі ЕАЭС і Кітая", - пракаменціраваў падпісанне дакумента дырэктар Дэпартамента гандлёвай палітыкі ЕЭК Уладзімір Серпікаў.

Кітайскі камітэт садзейнічання развіццю міжнароднага гандлю заснаваны ў 1952 годзе і з`яўляецца агульнадзяржаўным органам КНР, які ажыццяўляе садзейнічанне ў сферах міжнароднага гандлю і інвестыцый.

Дзелавы савет ЕАЭС - пастаянна дзеючы каардынацыйна-дарадчы орган дзелавых колаў, які аб`ядноўвае буйнейшыя дзелавыя асацыяцыі дзяржаў - членаў Еўразійскага эканамічнага саюза.

21 кастрычніка 2024, Масква
Эдуард Півавар - БЕЛТА