«Найбольш запатрабаванымі ў святочны перыяд, вядома ж, будуць кандытарскія вырабы, цукеркі, шампанскае і ігрістыя віна. У бягучай навагодняй праграме ў нас запланавана выпусціць 2,6 млн навагодніх падарункаў, у тым ліку „Камунарка“ — 1,5 млн штук і „Спартак“ — 1,1 млн.для параўнання, у 2016 годзе было выпушчана ўсяго толькі 1,6 млн навагодніх падарункаў», — адзначыла Алена Белановіч.

Падарункі фасуюцца ва ўпакоўку рознай формы і памераў, прадугледжана каля 80 найменняў вагой ад 250 г да 3 кг.

«Асартымент разнастайны, на любы густ і кашалёк. Кожнае прадпрыемства адказна падышло да фармавання навагодніх падарункаў», — адзначыла прадстаўнік «Белдзяржхарчпрама».

Што тычыцца шампанскага і пеністых вінаў, прадпрыемствы канцэрна выпускаюць 25 відаў, з іх пяць — навінкі гэтага года.

Звязда, 27 лістапада 2024