На думку беларускага прэзідэнта, санкцыі і іншыя абмежавальныя меры, прынятыя адносна Расіі і Беларусі, можна лічыць "модным эканамічным трэндам", з дапамогай якога заходнія лідэры аказваюць націск на непажаданыя ім краіны, і гэта практыка ўжо адпрацавана гадамі.

"Такім чынам і Штаты, і Еўрапейскі саюз даўно распраўляюцца з канкурэнтамі", - падкрэсліў беларускі лідэр.

Са свайго боку Беларусь прапануе патэнцыйным інвестарам з-за мяжы максімальна камфортныя ўмовы для вядзення бізнесу, аднак для тых, хто паспрабуе нажывацца за кошт беларусаў, "ёсць механізмы процідзеяння і ўразумення", зазначыў Лукашэнка.

У прыватнасці, кіраўнік дзяржавы паведаміў аб выяўленых дзяржкантролем фактах адтоку сродкаў у недружалюбныя краіны, акрамя таго стала вядома, што некаторыя суб`екты мэтанакіравана выводзяць прыбытак за межы Беларусі.

"Ёсць кампаніі - нашы, не нашы. Атрымалі прыбытак, грошы нейкія і вывелі за межы Беларусі, размясцілі на рахунках. Грошы, заробленыя нашымі людзьмі, выводзяцца за межы Беларусі і там працуюць на розных нягоднікаў, якія ўводзяць супраць нас санкцыі", ― распавёў Лукашэнка.

Кіраўнік дзяржавы пацікавіўся ў прысутных на нарадзе чыноўнікаў, чаму ўзнікаюць такія прэцэдэнты, і падкрэсліў, што загараджальныя меры для адтоку капіталу "павінны ўключацца вокамгненна і без усялякага разварушвання".

Sputnik, 18 студзеня 2024