Па выніках таргоў курс еўра знізіўся на 0,0031 рубля (0,15%) да 2,0673 рубля.

Курс долара знізіўся на 0,0019 рубля (0,1%) і склаў 1,9004 рубля.

Курс расійскага рубля (за 100 адзінак) вырас на 0,0055 рубля (0,18%) і склаў 3,0616 беларускага рубля за 100 расійскіх.

У курсаўтварэнні Нацбанк выкарыстоўвае механізм прывязкі курсу рубля да кошыка валют, у якім удзельная вага расійскага рубля складае 40%, а долі долара ЗША і еўра — 30% кожная.

Беларускі рубель рэагуе на дынаміку курсу расійскага рубля, якая шмат у чым залежыць ад коштаў на нафту. У аўторак цэны на нафту дэманструюць рост пасля ўчорашняга зніжэння, пакуль рынкі ацэньваюць перспектывы абмежавання здабычы. Раніцай нафта Brent з пастаўкай у снежні падаражэла на 30 цэнтаў, або на 0,58%, да 51,76 долара за бараль.

У Расіі сярэдняўзважаны курс долара да рубля разлікамі "заўтра" на адзінай гандлёвай сесіі ММВБ, па якім устанаўліваецца афіцыйны курс Цэнтрабанка, на 11.30 аўторка знізіўся на 18,69 капейкі, склаўшы 62,0480 рубля.

Аляксей Арэшка, БелаПАН
Мінск, 25 кастрычніка 2016