Такое меркаванне ў інтэрв`ю літоўскім журналістам 17 жніўня ў Астраўцы (Гродзенская вобласць) перад пачаткам абмеркавання справаздачы аб ацэнцы ўздзеяння на навакольнае асяроддзе (АУНА) Беларускай АЭС выказаў намеснік міністра энергетыкі Беларусі Міхаіл Міхадзюк.
"Мы і сёння цесна працуем з літоўскімі энергетыкамі, пастаўляем адзін аднаму электраэнергію, — сказаў чыноўнік. — У выпадку аварыйнай сітуацыі па дагаворы аб узаемадапамозе мы ажыццяўляем пастаўкі электраэнергіі ў Літву, праўда, у невялікіх аб`ёмах. З уводам жа атамнай электрастанцыі электраэнергія Рэспублікі Беларусь стане больш таннай. Перш за ўсё, станцыя разлічана на беларускага спажыўца, але яна будзе працаваць у агульнай энергасістэме, таму ўмовы ўзаемнага гандлю паміж нашымі краінамі будуць больш выгаднымі".
БелаПАН, 19 жніўня 2013
БелаПАН, 19 жніўня 2013
Ссылка на текущий документ: http://belarus.kz/aktueller/10-/291/23321
Текущая дата: 17.05.2024