З канвеера РУП "Бабруйскі завод трактарных дэталяў і агрэгатаў" сышла першая партыя малагабарытных трактароў "Беларус-320.4М", аснашчаных рухавіком вытворчасці Мінскага маторнага завода, паведаміла прэс-служба Міністэрства прамысловасці.
У першай партыі 10 трактароў новай мадыфікацыі, якія да канца гэтага месяца будуць адгружаны спажыўцам у Беларусі.
Вытворчасць трактара "Беларус-320.4М" асвоена бабруйскім прадпрыемствам у межах рэалізацыі праграмы імпартазамяшчэння. Як паведамляе прэс-служба, трактар адрозніваецца ад серыйнага "Беларуса-320.4" рухавіком MMZ-3LD Мінскага маторнага завода. Дагэтуль трактары серыі "Беларус-320" аснашчаліся толькі рухавіком LDW1603/B3 італьянскай кампаніі Lombardini.
Дызельны трохцыліндравы рухавік MMZ-3LD мае намінальную магутнасць 26 кВт (35,3 конскай сілы) і рабочы аб`ём цыліндраў 1,6 л, удзельны расход паліва — 310 г/(кВтгадз). "Устаноўка РУП "Бабруйскі завод трактарных дэталяў і агрэгатаў" новага рухавіка на свае трактары дазволіла не толькі рэалізаваць адно з мерапрыемстваў заводскай праграмы імпартазамяшчэння, але і значна знізіць кошт гатовых трактароў для канчатковых спажыўцоў", — адзначылі ў прэс-службе.
З улікам прагназаванага спецыялістамі маркетынгавай службы прадпрыемства павышанага попыту на навінку з рухавіком ММЗ у спажыўцоў Беларусі і Расіі да канца жніўня бабруйскім заводам запланаваны выпуск яшчэ адной партыі новай мадыфікацыі трактара, паведамляе прэс-служба Мінпрама.
Бабруйскі завод трактарных дэталяў і агрэгатаў створаны ў 1945 годзе, уваходзіць у склад ВА "Мінскі трактарны завод". Спецыялізуецца на вытворчасці запасных частак да трактароў "Беларус". З 2007 года на прадпрыемстве асвоены выпуск малагабарытных трактароў "Беларус". Сёння вытворчая праграма завода налічвае дзевяць асноўных мадэляў трактароў і камунальнай тэхнікі на іх базе з магутнасцю рухавіка ад 30 да 62 к.с. Трактары з маркай прадпрыемства працуюць больш як у 40 краінах.
Марына Носава, БелаПАН
Мінск, 22 жніўня 2013
Вытворчасць трактара "Беларус-320.4М" асвоена бабруйскім прадпрыемствам у межах рэалізацыі праграмы імпартазамяшчэння. Як паведамляе прэс-служба, трактар адрозніваецца ад серыйнага "Беларуса-320.4" рухавіком MMZ-3LD Мінскага маторнага завода. Дагэтуль трактары серыі "Беларус-320" аснашчаліся толькі рухавіком LDW1603/B3 італьянскай кампаніі Lombardini.
Дызельны трохцыліндравы рухавік MMZ-3LD мае намінальную магутнасць 26 кВт (35,3 конскай сілы) і рабочы аб`ём цыліндраў 1,6 л, удзельны расход паліва — 310 г/(кВтгадз). "Устаноўка РУП "Бабруйскі завод трактарных дэталяў і агрэгатаў" новага рухавіка на свае трактары дазволіла не толькі рэалізаваць адно з мерапрыемстваў заводскай праграмы імпартазамяшчэння, але і значна знізіць кошт гатовых трактароў для канчатковых спажыўцоў", — адзначылі ў прэс-службе.
З улікам прагназаванага спецыялістамі маркетынгавай службы прадпрыемства павышанага попыту на навінку з рухавіком ММЗ у спажыўцоў Беларусі і Расіі да канца жніўня бабруйскім заводам запланаваны выпуск яшчэ адной партыі новай мадыфікацыі трактара, паведамляе прэс-служба Мінпрама.
Бабруйскі завод трактарных дэталяў і агрэгатаў створаны ў 1945 годзе, уваходзіць у склад ВА "Мінскі трактарны завод". Спецыялізуецца на вытворчасці запасных частак да трактароў "Беларус". З 2007 года на прадпрыемстве асвоены выпуск малагабарытных трактароў "Беларус". Сёння вытворчая праграма завода налічвае дзевяць асноўных мадэляў трактароў і камунальнай тэхнікі на іх базе з магутнасцю рухавіка ад 30 да 62 к.с. Трактары з маркай прадпрыемства працуюць больш як у 40 краінах.
Марына Носава, БелаПАН
Мінск, 22 жніўня 2013
Ссылка на текущий документ: http://belarus.kz/aktueller/10-/299/22874
Текущая дата: 20.11.2024