Дэпутат адзначыў, што да санкцый Еўрасаюза адносна Беларусі ставіцца вельмі негатыўна. "Еўрапарламенту рана павучаць Беларусь або іншыя краіны, як ім ажыццяўляць правы чалавека", - сказаў ён, дадаўшы, што "эмбарга або ізаляцыямі нельга чагосьці дасягнуць". Што ж датычыцца спіса "неўязных", то яго Віктар Успаскіх лічыць вялікай памылкай Еўрасаюза, паколькі "калі б чыноўнікі вышэйшага ўзроўню з Еўрасаюза, еўрапейскіх краін часцей ездзілі ў Беларусь і беларускае кіраўніцтва ў гэтыя краіны, адносіны паміж імі паляпшаліся б намнога хутчэй".

На думку дэпутата, краіны павінны быць настроены больш дружалюбна ў дачыненні адна да адной. Прычым, пытаць, ці патрэбны гэтыя адносіны ім, трэба не ў радыкальна настроенай улады, а ў народа. "На 99 працэнтаў магу сказаць, што калі ў літоўцаў спытаць, ці хочуць яны дружыць з Беларуссю, большасць скажа так", - упэўнены Віктар Успаскіх.

Ён паабяцаў, што Партыя Працы, лідарам якой ён з`яўляецца, будзе рабіць усё, каб палепшыць адносіны паміж краінамі. "Мы за тое, каб былі дружалюбныя сустрэчы, каб была работа, адкрываліся новыя і новыя рынкі, быў рух капіталу, інвестыцый і г.д. Мы будзем рабіць усё, каб адносіны паміж нашымі краінамі паляпшаліся, лібералізаваліся", - сказаў ён.

БЕЛТА, 15 кастрычніка 2012

Ссылка на текущий документ: http://belarus.kz/aktueller/10-/329/17147

Текущая дата: 19.11.2024