"Холдынг "Белрэсурсы" за 2022 год спрацаваў з дастойнымі вынікамі, забяспечыўшы выкананне ўсіх паказчыкаў са значным прыростам да 2021 года. Гэта стала вынікам праведзенай работы ў таварыствах холдынга па стварэнні новых і мадэрнізацыі дзеючых вытворчасцей, дыверсіфікацыі рынкаў збыту, рэсурса- і энергазберажэнні, аптымізацыі бізнес-працэсаў, што ў канчатковым выніку дало магчымасць і нарасціць экспарт, і павысіць эфектыўнасць работы", - расказалі ў холдынгу.

Так, тэмп росту экспарту да 2021 года перасягнуў 125 працэнтаў, прыбытку ад рэалізацыі - 128 працэнтаў, чысты прыбытак узрос амаль на 80 працэнтаў. Пры гэтым дасягнуты амаль двухразовы рост аб`ёмаў вытворчасці прадукцыі. Найбольш важкі ўклад у дасягнутыя па холдынгу вынікі ўнеслі ААТ "Белхім", ААТ "Белдругаспалімер", ААТ "Гомельхімгандаль", ААТ "Медпласт" і іншыя прадпрыемствы.

11 студзеня 2023, Мінск
БЕЛТА