Як вынікае з даклада Вярхоўнага камісара ААН па справах бежанцаў, летась прыстанішча ў Еўропе папрасіў 1.441 грамадзянін Беларусі (у 2010 годзе — 941).
У гэты ж перыяд да ўладаў Беларусі паступіла 90 просьбаў аб прадастаўленні прыстанішча ў краіне (у 2010-м — 150 просьбаў).
У цэлым жа, адзначаецца ў дакладзе, у 2011 годзе 441 тысяча 330 чалавек папрасілі прыстанішча ў "індустрыяльных краінах" свету. Як адзначаецца, колькасць людзей, якія папрасілі прыстанішча ў 2011 годзе, узрасла на 20% у параўнанні з 2010 годам.
Пад "індустрыяльнымі краінамі" ў дакладзе разумеюцца краіны Еўрасаюза, Албанія, Боснія і Герцагавіна, Харватыя, Ісландыя, Ліхтэнштэйн, Чарнагорыя, Нарвегія, Сербія, Швейцарыя, Македонія, Турцыя, Аўстралія, Канада, Японія, Новая Зеландыя, Карэя і ЗША.
У 2011 годзе найбольшую колькасць бежанцаў складалі афганцы, кітайцы і іракцы. Найбольшая колькасць просьбаў аб прадастаўленні прыстанішча была зарэгістравана ў ЗША — 74 тысячы, Францыі — 52 тысячы і Германіі — 46 тысяч.
Таццяна Каравянкова, БелаПАН
Мінск, 27 сакавіка 2012
У цэлым жа, адзначаецца ў дакладзе, у 2011 годзе 441 тысяча 330 чалавек папрасілі прыстанішча ў "індустрыяльных краінах" свету. Як адзначаецца, колькасць людзей, якія папрасілі прыстанішча ў 2011 годзе, узрасла на 20% у параўнанні з 2010 годам.
Пад "індустрыяльнымі краінамі" ў дакладзе разумеюцца краіны Еўрасаюза, Албанія, Боснія і Герцагавіна, Харватыя, Ісландыя, Ліхтэнштэйн, Чарнагорыя, Нарвегія, Сербія, Швейцарыя, Македонія, Турцыя, Аўстралія, Канада, Японія, Новая Зеландыя, Карэя і ЗША.
У 2011 годзе найбольшую колькасць бежанцаў складалі афганцы, кітайцы і іракцы. Найбольшая колькасць просьбаў аб прадастаўленні прыстанішча была зарэгістравана ў ЗША — 74 тысячы, Францыі — 52 тысячы і Германіі — 46 тысяч.
Таццяна Каравянкова, БелаПАН
Мінск, 27 сакавіка 2012
Ссылка на текущий документ: http://belarus.kz/aktueller/10-/348/12993
Текущая дата: 19.11.2024