Беларусь і Сусветны банк рыхтуюць пералік пілотных праектаў па прыватызацыі прадпрыемстваў пры ўдзеле міжнародных фінансавых кансультантаў. Гэта тэма абмяркоўваецца сёння ў Мінску на сустрэчы кіраўніцтва Дзяржаўнага камітэта па маёмасці і спецыялістаў Сусветнага банка, паведамілі ў прэс-службе Дзяржкаммаёмасці.
Плануецца, што ў гэты пералік могуць увайсці пяць беларускіх прадпрыемстваў. Тры з іх былі прапанаваны Сусветным банкам і былі ўзгоднены з Дзяржаўным камітэтам па маёмасці яшчэ ў верасні 2010 года па выніках візіту дэлегацыі Сусветнага банка. Цяпер абмяркоўваецца яшчэ два прадпрыемствы.
Візіт міжнародных фінансавых экспертаў праходзіць з 21 па 31 сакавіка 2011 года ў рамках прадаўжэння работы па прыватызацыі, фінансуемай Аўстрыйскім траставым фондам. Рабочую групу экспертаў Сусветнага банка ўзначальвае старшы эканаміст Андрэа Марыа Даль Аліа. У складзе дэлегацыі - пастаянны прадстаўнік Сусветнага банка ў Беларусі Іван Велеў, а таксама тры спецыялісты.
З беларускага боку ў сустрэчы прымаюць удзел старшыня Дзяржкаммаёмасці Георгій Кузняцоў, дырэктар Фонду дзяржаўнай маёмасці Дзяржкаммаёмасці Наталля Жарнасек.
Як раней паведамлялася, Аўстрыйскі траставы фонд Міністэрства фінансаў Аўстрыі выдзеліў Беларусі грант на $5 млн. на падтрымку прыватызацыйнага працэсу ў краіне.
Звязда
24 сакавіка 2011
Візіт міжнародных фінансавых экспертаў праходзіць з 21 па 31 сакавіка 2011 года ў рамках прадаўжэння работы па прыватызацыі, фінансуемай Аўстрыйскім траставым фондам. Рабочую групу экспертаў Сусветнага банка ўзначальвае старшы эканаміст Андрэа Марыа Даль Аліа. У складзе дэлегацыі - пастаянны прадстаўнік Сусветнага банка ў Беларусі Іван Велеў, а таксама тры спецыялісты.
З беларускага боку ў сустрэчы прымаюць удзел старшыня Дзяржкаммаёмасці Георгій Кузняцоў, дырэктар Фонду дзяржаўнай маёмасці Дзяржкаммаёмасці Наталля Жарнасек.
Як раней паведамлялася, Аўстрыйскі траставы фонд Міністэрства фінансаў Аўстрыі выдзеліў Беларусі грант на $5 млн. на падтрымку прыватызацыйнага працэсу ў краіне.
Звязда
24 сакавіка 2011
Ссылка на текущий документ: http://belarus.kz/aktueller/10-/399/5370
Текущая дата: 29.06.2024