Дакумент гарантуе бесперабойнае забеспячэнне ўнутранага рынку цукрам пад поўную яго патрэбнасць, для прадпрыемстваў жа гэта магчымасць аператыўна адгружаць цукар па экспартных кантрактах.

"Прадпрыемствам, якія вырабляюць цукар, гэты графік паставак гарантуе добры збыт, прадпрыемствам гандлю - разуменне аб`ёмаў паставак. А спажывец можа быць упэўнены ў тым, што цукар заўсёды будзе на паліцах. У бягучым годзе ў нас вельмі добры ўраджай цукровых буракоў, мы павялічылі ўжо аб`ём захоўвання цукру для ўнутранага рынку - на 20 тыс. т больш, чым у бягучым годзе, і на 40 тыс. т больш за сярэдняе спажыванне насельніцтвам за апошнія гады", - сказаў Аляксей Багданаў.

Ён дадаў, што адменена дзеянне пастановы ўрада па абмежаванні вывазу цукру, што дазволіць павялічыць экспартныя пастаўкі. "На БУТБ укаранёны механізм рэалізацыі цукру. Ужо больш за 2 тыс. т гэтага прадукту рэалізавана на экспарт праз біржавыя таргі, - паведаміў міністр. - Таргі праводзяцца з Казахстанам, Кыргызстанам і іншымі краінамі Азіі".

У сваю чаргу Алег Жыдкоў адзначыў, што выпрацаваныя падыходы з Міністэрствам антыманапольнага рэгулявання і гандлю дазваляюць добра бачыць і планаваць работу па забеспячэнні загрузкі вытворчых магутнасцей прамысловых прадпрыемстваў, а таксама фарміраваць незніжальныя аб`ёмы па захоўванні цукру на складах не толькі цукровых заводаў, але і на аддаленых складах, якія знаходзяцца ў кожным рэгіёне.

"Гэта дазваляе ў самы кароткі тэрмін выконваць заяўкі гандлёвых арганізацый, а таксама нівеліраваць сезонны попыт шляхам вялікіх аб`ёмаў паставак у гандлёвыя аб`екты", - сказаў ён.

Паводле яго слоў, у цэлым магутнасці заводаў дазваляюць штогод фасаваць да 900 т цукру. Гэтага дастаткова для забеспячэння выканання ўсіх неабходных заявак. "На 2023 год мы павялічваем аб`ём запасу цукру для таго, каб мець дастатковы рэзерв і ў поўнай меры задавольваць патрэбнасць не толькі гандлёвых арганізацый, але і прамысловых прадпрыемстваў. Мы бачым узрастаючы попыт на цукар з боку кандытарскіх прадпрыемстваў. З улікам добрага ўраджаю бягучага года плануем стварыць дастатковыя аб`ёмы для экспарту цукру на традыцыйныя напрамкі", - расказаў старшыня канцэрна.

Кіраўнік "Белдзяржхарчпрама" паведаміў, што ў бягучым годзе патрэбнасць унутранага рынку ацэньваецца ў памеры 380 тыс.т цукру. "У наступным годзе з улікам неабходнасці павелічэння запасаў мы ацэньваем патрэбнасць у аб`ёме 400 тыс.т", - адзначыў ён.

13 кастрычніка 2022, Мінск
БЕЛТА