У Кітайска-беларускім індустрыяльным парку «Вялікі камень» зарэгістраваны новы рэзідэнт — ТАА «Еўразійская біятэхналагічная кампанія» (Беларусь), паведамілі ў прэс-службе парка.
Новы рэзідэнт парка будзе выпускаць ферментныя прэпараты і іншыя актыўныя рэчывы мікрабіялагічнага паходжання. Запланаваныя напрамкі экспарту — Расійская Федэрацыя і краіны ЕАЭС, а таксама дзяржавы Паўночнай Афрыкі, Блізкага Усходу і Лацінскай Амерыкі.
У доўгатэрміновай перспектыве кампанія плануе значнае пашырэнне асартыменту прадукцыі дзякуючы навуковым даследаванням і распрацоўкам, якія праводзяцца ўласным даследчым цэнтрам.
Звязда, 22 студзеня 2024
Ссылка на текущий документ: http://belarus.kz/aktueller/10-0/17/72241
Текущая дата: 24.12.2024