Экспарт ільновалакна з Беларусі будзе ажыццяўляцца па разавых ліцэнзіях Міністэрства антыманапольнага рэгулявання і гандлю, адпаведнае рашэнне змешчана ў пастанове Савета Міністраў нумар 129 ад 14 лютага.

Згодна з дакументам, экспарт з Беларусі за межы мытнай тэрыторыі Еўразійскага эканамічнага саюза льновалакна пры змяшчэнні пад мытную працэдуру экспарту ажыццяўляецца па разавых ліцэнзіях, што выдаюцца Міністэрствам антыманапольнага рэгулявання і гандлю па ўзгадненні з Беларускім дзяржаўным канцэрнам па вытворчасці і рэалізацыі тавараў лёгкай прамысловасці.

Парадак выдачы ліцэнзій устаноўлены Правіламі выдачы ліцэнзій і дазволаў на экспарт і (або) імпарт тавараў, прадугледжанымі дадаткам да Пратакола аб мерах нетарыфнага рэгулявання адносна трэціх краін, з улікам асаблівасцей, вызначаных пастановай.

"Беллегпрам" будзе ўзгадняць заяву аб выдачы ліцэнзіі на экспарт ільновалакна пры змяшчэнні пад мытную працэдуру экспарту пры наяўнасці заключанага паміж названым канцэрнам, Міністэрствам сельскай гаспадаркі і харчавання і аблвыканкамамі пагаднення аб умовах паставак ільновалакна.

Міністэрству замежных спраў даручана паведаміць у Еўразійскую эканамічную камісію аб прынятай меры, а таксама ўнесці на разгляд Еўразійскай эканамічнай камісіі прапанову аб прымяненні іншымі дзяржавамі - членамі Еўразійскага эканамічнага саюза мер, аналагічных устаноўленай гэтай пастановай.

Пастанова ўступае ў сілу праз 10 дзён пасля яе афіцыйнага апублікавання і дзейнічае на працягу шасці месяцаў.

15 студзеня 2017, Мінск
БЕЛТА