Як паведамляе прэс-служба прэзідэнта, кіраўнік дзяржавы адзначыў, што пытанні аўтамабілебудавання неўзабаве будуць разглядацца на асобнай нарадзе. Зараз спецыялісты вядуць глыбокую прапрацоўку гэтай тэмы, каб вырашыць наяўныя праблемы ў гэтым кірунку.

Лукашэнка расказаў, што ў краіне маюць намер не зацягваць са стварэннем праграмы па аўтамабілебудаванні. "У гэтай праграме вялікае месца займае наш рухавік. Патрэбны новыя, — сказаў ён. — На Мінскім маторным заводзе зрабілі шмат доследных узораў. Трэба хутчэй іх правяраць і запускаць у серыйную вытворчасць". Гаворачы аб развіцці айчыннага аўтапрама, кіраўнік дзяржавы асобна спыніўся на вытворчасці легкавых аўтамабіляў "БелДжы", выказаўшы ўпэўненасць, што гэта машына спадабаецца беларусам, паколькі будзе даступная па цане, простая ў сэрвісным абслугоўванні.

Прадстаўнікі працоўнага калектыву ММЗ папрасілі кіраўніка дзяржавы пракаментаваць паведамленні, што пры ўрадзе Расійскай Федэрацыі ствараецца навукова-тэхнічны савет, закліканы каардынаваць развіццё вядучых прадпрыемстваў па вытворчасці рухавікоў і тэхнікі. Працаўнікоў завода цікавіла, ці не прывядзе гэта да дыскрымінацыі для вытворцаў з Беларусі.

Лукашэнка ўпэўнены, што беларуская прадукцыя і надалей будзе запатрабавана ў Расіі. Для гэтага неабходна забяспечваць высокую якасць тавараў, што забяспечыць попыт не толькі ў расійскіх, але і ў іншых замежных пакупнікоў. Пры гэтым кіраўнік дзяржавы падкрэсліў, што Мінскі маторны завод павінен быць гатовы да здаровай канкурэнцыі з расійскімі вытворцамі.

Аляксей Арэшка, БелаПАН
Мінск, 6 мая 2016