Дзяржорганам таксама даручана прыняць меры па ўзмацненні экспертна-кадравага патэнцыялу па пытаннях, звязаных з асноўнымі напрамкамі гэтых перагавораў.

Агульную каардынацыю перагаворнага працэсу будзе ажыццяўляць Міністэрства замежных спраў. Яно павінна ўнесці ў Савет Міністраў прапановы па складзе перагаворнай дэлегацыі, кандыдатуры яе кіраўніка і яго намеснікаў. Акрамя гэтага, МЗС даручана распрацаваць праект плана мерапрыемстваў па забеспячэнні перагаворнага працэсу на 2016 год.

Распараджэнне прэм`ер-міністра падпісана ў мэтах выканання даручэння Прэзідэнта, агучанага ў час нарады 29 сакавіка, аб актывізацыі перагаворнага працэсу па далучэнні Беларусі да СГА з улікам безумоўнага выканання нацыянальных інтарэсаў.

Беларусь разглядае членства ў СГА як інструмент паглыблення інтэграцыі ў шматбаковую гандлёвую сістэму, аптымізацыі структуры знешняга гандлю, а таксама ў якасці дадатковага стымулу для эканамічнага росту.

7 красавіка 2016, Мінск
БЕЛТА