У Мінску ў Нацыянальным прэс-цэнтры 19 лістапада праходзіць канферэнцыя "Дыверсіфікацыя экспарту: праграма 2016". У канферэнцыі бяруць удзел прадстаўнікі буйных беларускіх прадпрыемстваў-экспарцёраў, а таксама міністэрстваў і ведамстваў. 

Як адзначыў генеральны дырэктар агенцтва Аляксандр Альшэўскі, на канферэнцыі разглядаюцца асноўныя аспекты стварэння і функцыянавання тавараправодных сетак вытворцаў. Таксама ўвага нададзена пытанням эканамічнай бяспекі: абароне экспартных схем, прадухіленню экспартных рызыкаў, спагнанню пратэрмінаванай знешняй дэбіторскай завінавачанасці. 

Паводле слоў Альшэўскага, супрацоўніцтва беларускіх вытворцаў і міністэрстваў з агенцтвам у 2015 годзе актывізавалася. "За апошнія паўгода мы дасягнулі досыць сур`ёзных вынікаў і ў частцы ўзмацнення тавараправодных сетак вытворцаў, і ў частцы ўваходу ў вядучыя каналы збыту, — заявіў ён. — У межах той высокай палітычнай задачы па дыверсіфікацыі экспарту, якая была пастаўлена перад беларускімі вытворцамі ў пачатку года, сёння можна сказаць, што ў 2016 годзе ёсць падставы разлічваць на яго прырост".

Аляксей Аляксандраў, БелаПАН
Мінск, 19 лістапада 2015