«Змяненне клімату ўяўляе сур’ёзную пагрозу для будучага навакольнага асяроддзя, паколькі яно тычыцца сельскай гаспадаркі, біяразнастайнасці, чалавечага грамадства і амаль усіх аспектаў нашага свету. Наступствы змены клімату ўжо пачалі праяўляцца і, несумненна, будуць пагаршацца. Прагназуецца глабальнае зніжэнне ўраджайнасці і прыдатнасці сельскагаспадарчых культур на працягу стагоддзя як прамога выніку змены клімату. Усе гэтыя высновы характэрныя і для Беларусі», — падкрэсліў Андрэй Мяшкоў.

На яго думку, у мэтах адаптацыі рапсу да кліматычных умоў у Беларусі неабходна забяспечыць развіццё перспектыўных напрамкаў селекцыі дадзенай культуры — высокаалеінавасць, раннеспеласць, устойлівасць да абсыпання.

«Сёння ўжо ёсць гатункі і гібрыды рапсу, утрыманне алею ў якіх складае 42-50%, а бялку — 24-27%», — распавёў начальнік упраўлення па вытворчасці прадуктаў харчавання «Белдзяржхарчпрама».

Звязда, 20 траўня 2023