Міжнародны валютны фонд перагледзеў прагноз росту валавога ўнутранага прадукту Беларусі. Згодна з ліпеньскай ацэнкай фонду ў 2014 годзе ён складзе 0,9% супраць 1,6% па красавіцкай ацэнцы.
"Працягнецца павольны эканамічны рост і захаваюцца стойкія знешнія дысбалансы, аднак рызыкі высокія і змешчаныя ў бок пагаршэння", — гаворыцца ў паведамленні МВФ.
Эксперты фонду звяртаюць увагу, што попыт у Расіі, якая з`яўляецца асноўным рынкам збыту беларускіх тавараў, застанецца слабым, а ўнутраны попыт на беларускую прадукцыю запавольваецца.
Як паведамляў Белстат, у першым паўгоддзі прырост ВУП склаў 1,2%.
На думку экспертаў фонду, інфляцыя ў Беларусі сёлета складзе 16% (факт за першае паўгоддзе — 10,2%). Таксама на высокім узроўні яны ацэньваюць дэфіцыт бягучага рахунку плацежнага балансу краіны ў 2014 годзе — на ўзроўні 8,75% ВУП з-за "слабага знешняга попыту, нізкай канкурэнтаздольнасці, а таксама мер эканамічнай палітыкі, якая працягвае заставацца занадта мяккай".
У сувязі з гэтым фонд рэкамендаваў беларускім уладам "прыняць рашучыя меры", накіраваныя на паглыбленне рэформ, што дазволіць устараніць перашкоды "на шляху больш высокага і ўстойлівага росту".
Эксперты фонду выказваюць заклапочанасць, што ў Беларусі да апошняга часу назіраліся высокія тэмпы крэдытавання. На думку МВФ, рост заработнай платы павінен быць узгоднены з тэмпамі павышэння прадукцыйнасці працы, "каб пазбегнуць росту інфляцыі і аднавіць канкурэнтаздольнасць".
Акрамя таго, фонд рэкамендуе спыніць валютныя інтэрвенцыі і забяспечыць гнуткасць курсавой палітыкі, што садзейнічала б умацаванню канкурэнтаздольнасці беларускай прадукцыі на знешніх рынках.
Дзмітрый Заяц, БелаПАН
Мінск, 26 ліпеня 2014
Эксперты фонду звяртаюць увагу, што попыт у Расіі, якая з`яўляецца асноўным рынкам збыту беларускіх тавараў, застанецца слабым, а ўнутраны попыт на беларускую прадукцыю запавольваецца.
Як паведамляў Белстат, у першым паўгоддзі прырост ВУП склаў 1,2%.
На думку экспертаў фонду, інфляцыя ў Беларусі сёлета складзе 16% (факт за першае паўгоддзе — 10,2%). Таксама на высокім узроўні яны ацэньваюць дэфіцыт бягучага рахунку плацежнага балансу краіны ў 2014 годзе — на ўзроўні 8,75% ВУП з-за "слабага знешняга попыту, нізкай канкурэнтаздольнасці, а таксама мер эканамічнай палітыкі, якая працягвае заставацца занадта мяккай".
У сувязі з гэтым фонд рэкамендаваў беларускім уладам "прыняць рашучыя меры", накіраваныя на паглыбленне рэформ, што дазволіць устараніць перашкоды "на шляху больш высокага і ўстойлівага росту".
Эксперты фонду выказваюць заклапочанасць, што ў Беларусі да апошняга часу назіраліся высокія тэмпы крэдытавання. На думку МВФ, рост заработнай платы павінен быць узгоднены з тэмпамі павышэння прадукцыйнасці працы, "каб пазбегнуць росту інфляцыі і аднавіць канкурэнтаздольнасць".
Акрамя таго, фонд рэкамендуе спыніць валютныя інтэрвенцыі і забяспечыць гнуткасць курсавой палітыкі, што садзейнічала б умацаванню канкурэнтаздольнасці беларускай прадукцыі на знешніх рынках.
Дзмітрый Заяц, БелаПАН
Мінск, 26 ліпеня 2014
Ссылка на текущий документ: http://belarus.kz/aktueller/10-0/275/26826
Текущая дата: 14.06.2024