"У асноўным на продаж ідуць беларускія яблыкі. Пры гэтым імпарт яблыкаў складае каля 50-60 тыс. т у год", - адзначыла яна.

Спецыяліст звярнула ўвагу, што Мінсельгасхарч бачыць першачарговую неабходнасць у забеспячэнні ўнутранага рынку краіны. "Цяпер мы атрымліваем прыкладна 50-60 кг пладова-ягаднай прадукцыі на чалавека ў год, а па рацыянальнай норме спажывання з улікам прадукцыі, якая не вырошчваецца ў краіне, гэта павінна быць 99 кг", - расказала яна.

Да 2015 года ў Беларусі плануецца павялічыць вытворчасць пладова-ягаднай прадукцыі да 160 тыс. т у год. "Да гэтага часу ўступяць у плоданашэнне маладыя сады", - растлумачыла Таццяна Карбановіч. У бягучым годзе план пасадкі саду складае 1200 га. За апошнія пяць гадоў назіраецца рост вытворчасці айчыннай пладова-ягаднай прадукцыі: калі ў 2010 годзе ў краіне атрымлівалі 65 тыс. т, то ў мінулым годзе - 104 тыс. т.

Што датычыцца экспарту агародніны, спецыяліст падкрэсліла, што чацвёртая частка ўсёй прадукцыі ахаванага грунту (у тым ліку агуркоў, таматаў, перцу) прадаецца за мяжу.

30 верасня 2014, Мінск 
БЕЛТА