"У бліжэйшы час канцэпцыя развіцця "Беларусь-2020" будзе прадстаўлена ды шырокага абмеркавання. Дакумент гатовы да такога кроку, не скажу, што ён ужо цалкам дапрацаваны, трэба будзе яшчэ нешта шліфаваць і актуалізаваць шэраг напрамкаў", - расказаў Уладзімір Гусакоў.

Напярэдадні абмеркавання канцэпцыі НАН стала своеасаблівай дыскусійнай пляцоўкай. "Сустракаемся з гендырэктарамі і генканструктарамі прамысловых прадпрыемстваў, крыху раней праводзілі круглыя сталы па фундаментальных даследаваннях, рыхтуем круглы стол па маладзёжнай палітыцы", - удакладніў Уладзімір Гусакоў. У НАН надаюць вялікае значэнне сустрэчы з работнікамі вытворчасці. "Мы хочам абмеркаваць праблемы не толькі прыкладной навукі, але і прагаварыць увогуле напрамкі далейшага руху эканомікі і прамысловасці нашай краіны, што для гэтага трэба, якія эканамічныя, арганізацыйныя, фінансавыя і іншыя інструменты задзейнічаць для далейшага ўстойлівага развіцця", - сказаў старшыня.

Канцэпцыя развіцця навукі і эканомікі "Беларусь-2020" распрацоўваецца да Другога з`езда вучоных, які пройдзе ў першым квартале 2014 года, і можа стаць асновай для распрацоўкі праграмы сацыяльна-эканамічнага развіцця краіны на наступную пяцігодку.

3 сакавіка 2014, Мінск
БЕЛТА

Ссылка на текущий документ: http://belarus.kz/aktueller/10-0/292/25294

Текущая дата: 26.12.2024