Як адзначыў прэм`ер-міністр, 2013 год для беларускай эканомікі быў складаны з-за збегу неспрыяльных знешніх умоў і ўнутраных фактараў: "Праселі традыцыйныя рынкі, крыху пагоршыліся ўмовы гандлю ў калійнай і нафтавай сферы". Страты айчыннай эканомікі ад зніжэння паставак хлоркалію і нафтапрадуктаў, паводле ацэнак Міністэрства эканомікі, склалі 5,4 працэнта валавога ўнутранага прадукту, сказаў Міхаіл Мясніковіч.

Пры гэтым кіраўнік урада дадаў: "Нашы партнёры па Адзінай эканамічнай прасторы, дзе, здавалася б, магутная нафтагазавая падушка бяспекі, таксама ўзмацняюць бюджэтную палітыку. Ім даводзіцца эканоміць".

У гэтых умовах пазіцыя ўрада заключаецца ў тым, каб захаваць калектывы, рынкі, працаваць рэнтабельна. У цэлым Міхаіл Мясніковіч разлічвае, што бягучы год будзе завершаны ўстойліва. "Галоўнае - захаваць эканоміку прадпрыемстваў", - падкрэсліў ён.

22 лістапада 2013, Мінск
Таццяна Грыгаровіч - БЕЛТА

Ссылка на текущий документ: http://belarus.kz/aktueller/10-0/295/24142

Текущая дата: 26.12.2024