Старшыня Дзяржаўнага камітэта па навуцы і тэхналогіях Рэспублікі Беларусь Ігар Войтаў 11 верасня ў Мінску абмеркаваў з кіраўніцтвам літоўскай інжынірынгавай кампаніі MANfuLA перспектывы супрацоўніцтва.
Як паведамілі ў прэс-службе ДКНТ, у прыватнасці абмяркоўваўся інвестыцыйны праект "Будаўніцтва завода па вытворчасці металічнага ліста і белай бляхі на тэрыторыі Мёрскага раёна". Праект выконваецца ў межах Дзяржаўнай інавацыйнай праграмы развіцця Рэспублікі Беларусь на 2011—2015 гады. Яго рэалізацыяй займаецца ТАА "МНПЗ-груп".
Паводле інфармацыі кампаніі, ужо прынята рашэнне аб месцы далучэння заводскіх чыгуначных пуцей да існай чыгуначнай веткі Мёры — Друя, а таксама "атрыманы тэхнічныя ўмовы на часовае электразабеспячэнне будпляцоўкі, архітэктурна-планіровачнае заданне, заключэнне Дзяржпажнагляду, санітарнае заданне, энергазбыту, водаправод, ліўневую каналізацыю". У хуткім часе плануецца вызначыць пастаўшчыка тэхналогіі і абсталявання для рэалізацыі праекта, генпраекціроўшчыка і генпадрадчыка. Апрача таго, падчас сустрэчы абмяркоўваліся таксама пытанні будаўніцтва завода па перапрацоўцы смецця. У прыватнасці, прадстаўнікі інжынірынгавай кампаніі MANfuLA паведамілі пра тэхналагічныя рашэнні, выкарыстаныя пры будаўніцтве такога завода ў Клайпедзе.
MANfuLA — разнапланавая інжынірынгавая кампанія па ўкараненні сучасных тэхналогій вытворчасці цяпла і электраэнергіі, мадэрнізацыі існых сістэм. Кампанія прапаноўвае шматпланавае вырашэнне праблемы: прыняцце тэхнічнага рашэння, праектаванне, здача аб`екта ў эксплуатацыю пад ключ. Геаграфія яе дзейнасці — Літва, Латвія, Эстонія, Беларусь і Расія.
Марына Носава, БелаПАН
Мінск, 11 верасня 2013
Паводле інфармацыі кампаніі, ужо прынята рашэнне аб месцы далучэння заводскіх чыгуначных пуцей да існай чыгуначнай веткі Мёры — Друя, а таксама "атрыманы тэхнічныя ўмовы на часовае электразабеспячэнне будпляцоўкі, архітэктурна-планіровачнае заданне, заключэнне Дзяржпажнагляду, санітарнае заданне, энергазбыту, водаправод, ліўневую каналізацыю". У хуткім часе плануецца вызначыць пастаўшчыка тэхналогіі і абсталявання для рэалізацыі праекта, генпраекціроўшчыка і генпадрадчыка. Апрача таго, падчас сустрэчы абмяркоўваліся таксама пытанні будаўніцтва завода па перапрацоўцы смецця. У прыватнасці, прадстаўнікі інжынірынгавай кампаніі MANfuLA паведамілі пра тэхналагічныя рашэнні, выкарыстаныя пры будаўніцтве такога завода ў Клайпедзе.
MANfuLA — разнапланавая інжынірынгавая кампанія па ўкараненні сучасных тэхналогій вытворчасці цяпла і электраэнергіі, мадэрнізацыі існых сістэм. Кампанія прапаноўвае шматпланавае вырашэнне праблемы: прыняцце тэхнічнага рашэння, праектаванне, здача аб`екта ў эксплуатацыю пад ключ. Геаграфія яе дзейнасці — Літва, Латвія, Эстонія, Беларусь і Расія.
Марына Носава, БелаПАН
Мінск, 11 верасня 2013
Ссылка на текущий документ: http://belarus.kz/aktueller/10-0/298/23357
Текущая дата: 26.12.2024