Аб гэтым часопісу "Экономика Беларуси" расказаў старшыня канцэрна "Белдзяржхарчпрам" Алег Жыдкоў.
Узгоднена выдзяленне ўчастка, ідзе этап выбару абсталявання.
"У мінулым годзе адразу на дзвюх пляцоўках стартавала вытворчасць інавацыйных кандытарскіх вырабаў з сухога малака. "Камунарка" (на магутнасцях "Чырвонага харчавіка") выпусціла малочнае дражэ "Дзіцячыя гісторыі". "Слодыч" прапанаваў цукеркі, вафлі, пячэнне, у тым ліку без цукру і зацяжное з какавай і малаком. Новы інвестпраект спадзяёмся рэалізаваць да 2025 года. Будзе створана каля 20 рабочых месцаў, да 40 працэнтаў малочных цукерак арыентавана на экспарт, у тым ліку ў КНР. Чаканы аб`ём вытворчасці - 360 т у год", - адзначыў кіраўнік галіны.
Акрамя таго, "Камунарка" ў мінулым годзе пачала рэалізацыю вялікага інвестпраекта - будзе пабудавана магутнае прадпрыемства па перапрацоўцы какава-бабоў (з аўтаматычным кантролем якасці) для забеспячэння паўфабрыкатам не толькі сябе, але і арганізацый, якія выкарыстоўваюць цёртую какаву, какава-алей і шакаладную масу. Гэта малочныя камбінаты (у вытворчасці глазураваных сыркоў і марожанага ў шакаладнай глазуры) і кандытарскія фабрыкі.
"Ёсць упэўненасць у тым, што планы будуць рэалізаваны да 2026 года. Атрымаем па сутнасці асобнае прадпрыемства на новай пляцоўцы ў Партызанскім раёне Мінска, якое, не выключана, у перспектыве можа замяніць цяперашнюю "Камунарку" ў тым фармаце, у якім мы яе прывыклі бачыць. Зрэшты, гэта ўжо больш далёкая перспектыва, год 2030-ы", - дадаў Алег Жыдкоў.
28 сакавіка 2024, Мінск
БЕЛТА
28 сакавіка 2024, Мінск
БЕЛТА
Ссылка на текущий документ: http://belarus.kz/aktueller/10-0/3/73406
Текущая дата: 20.05.2024