Савет Еўрасаюза прыняў рашэнне аб зняцці санкцый з былога намесніка галоўнага рэдактара газеты "Советская Белоруссия" Ганны Шадрынай. Адпаведнае рашэнне Савета ад 29 мая апублікавана на сайце Афіцыйнага часопіса Еўрасаюза.
Акрамя таго, са спісу абмежавальных мер у дачыненні да фізічных асоб і прадпрыемстваў таксама выключаны завод "Аквадзіў" (быў занесены ў спіс у сакавіку 2012 года) і ЗАТ "Спорт-пары" (санкцыі ўведзены ў чэрвені 2011 года). Абедзве кампаніі былі ўнесены ў спіс як прадпрыемствы, падкантрольныя бізнесмену Уладзіміру Пефціеву.
Варта адзначыць, што на мінулым тыдні Дзярждэпартамент ЗША прыняў рашэнне спыніць дзеянне санкцый у дачыненні да беларускіх прадпрыемстваў "Белтэхэкспарт" і "БелОМА".
Палітычнае рашэнне аб візавых і эканамічных санкцыях у дачыненні да Беларусі было прынята Саветам ЕС 31 студзеня 2011 года ў Бруселі, калі міністры замежных спраў краін Еўрасаюза зацвердзілі спіс беларускіх чыноўнікаў, адказных за парушэнні правоў чалавека падчас прэзідэнцкай кампаніі 2010 года. Гэтым асобам забаронена наведваць тэрыторыю ЕС, а іх рахункі і маёмасць у краінах Еўрасаюза павінны быць замарожаны. Першапачаткова ў спісе было 158 імён. Пасля Савет ЕС неаднаразова пашыраў гэты пералік, і цяпер уезд у Еўрасаюз забаронены больш як 200 беларускім чыноўнікам.
Таццяна Каравянкова, БелаПАН
Мінск, 31 мая 2013
Варта адзначыць, што на мінулым тыдні Дзярждэпартамент ЗША прыняў рашэнне спыніць дзеянне санкцый у дачыненні да беларускіх прадпрыемстваў "Белтэхэкспарт" і "БелОМА".
Палітычнае рашэнне аб візавых і эканамічных санкцыях у дачыненні да Беларусі было прынята Саветам ЕС 31 студзеня 2011 года ў Бруселі, калі міністры замежных спраў краін Еўрасаюза зацвердзілі спіс беларускіх чыноўнікаў, адказных за парушэнні правоў чалавека падчас прэзідэнцкай кампаніі 2010 года. Гэтым асобам забаронена наведваць тэрыторыю ЕС, а іх рахункі і маёмасць у краінах Еўрасаюза павінны быць замарожаны. Першапачаткова ў спісе было 158 імён. Пасля Савет ЕС неаднаразова пашыраў гэты пералік, і цяпер уезд у Еўрасаюз забаронены больш як 200 беларускім чыноўнікам.
Таццяна Каравянкова, БелаПАН
Мінск, 31 мая 2013
Ссылка на текущий документ: http://belarus.kz/aktueller/10-0/306/21385
Текущая дата: 28.12.2024