Беларуска-расійскае крэдытнае пагадненне аб будаўніцтве АЭС плануецца падпісаць у ліпені, паведаміў журналістам першы віцэ-прэм`ер Беларусі Уладзімір Сямашка.
"У графіку падпісання крэдытнага пагаднення значыцца ліпень. Усё ідзе па графіку. Пакуль усё рэальна, ніякага пярэчання няма", — цытуе Сямашку дзяржаўнае агенцтва БелТА.
Што тычыцца сумы крэдыту, то гэта, паводле слоў віцэ-прэм`ера, тэма перамоў, яна знойдзе адлюстраванне ў кантрактным пагадненні.
У лютым гэтага года Сямашка заяўляў, што Беларусь просіць крэдыт у Расіі на будаўніцтва АЭС тэрмінам на 25 гадоў і спадзяецца атрымаць дзяржаўны крэдыт у 9 млрд. долараў. Крэдыт разлічаны на будаўніцтва як самой АЭС, так і інфраструктуры. Віцэ-прэм`ер таксама паведаміў, што адтэрміноўка плацяжоў па крэдыце будзе прадастаўлена да моманту пабудовы АЭС, гэта значыць да 2016 года.
У сакавіку першы віцэ-прэзідэнт ЗАТ "Атамбудэкспарт" (гэтая кампанія з`яўляецца генпадрадчыкам будаўніцтва АЭС) Аляксандр Дыбаў пацвердзіў, што Беларусь запрасіла пад будаўніцтва АЭС крэдыт у 9 млрд. долараў. "Мы над сумай працуем", — сказаў Дыбаў.
Пагадненне аб будаўніцтве і крэдытаванні беларускай АЭС спачатку планавалася падпісаць 15 сакавіка на пасяджэнні саюзнага ўрада, затым называўся май гэтага года.
БелаПАН
Мінск, 7 чэрвеня 2011
Што тычыцца сумы крэдыту, то гэта, паводле слоў віцэ-прэм`ера, тэма перамоў, яна знойдзе адлюстраванне ў кантрактным пагадненні.
У лютым гэтага года Сямашка заяўляў, што Беларусь просіць крэдыт у Расіі на будаўніцтва АЭС тэрмінам на 25 гадоў і спадзяецца атрымаць дзяржаўны крэдыт у 9 млрд. долараў. Крэдыт разлічаны на будаўніцтва як самой АЭС, так і інфраструктуры. Віцэ-прэм`ер таксама паведаміў, што адтэрміноўка плацяжоў па крэдыце будзе прадастаўлена да моманту пабудовы АЭС, гэта значыць да 2016 года.
У сакавіку першы віцэ-прэзідэнт ЗАТ "Атамбудэкспарт" (гэтая кампанія з`яўляецца генпадрадчыкам будаўніцтва АЭС) Аляксандр Дыбаў пацвердзіў, што Беларусь запрасіла пад будаўніцтва АЭС крэдыт у 9 млрд. долараў. "Мы над сумай працуем", — сказаў Дыбаў.
Пагадненне аб будаўніцтве і крэдытаванні беларускай АЭС спачатку планавалася падпісаць 15 сакавіка на пасяджэнні саюзнага ўрада, затым называўся май гэтага года.
БелаПАН
Мінск, 7 чэрвеня 2011
Ссылка на текущий документ: http://belarus.kz/aktueller/10-0/395/6971
Текущая дата: 16.11.2024