Беларусь у адпаведнасці з умовамі крэдытнай праграмы ЕўрАзЭС у найбліжэйшыя тры гады павінна прыватызаваць актывы на 7,5 мільярда долараў, паведаміў віцэ-прэм`ер — міністр фінансаў РФ Аляксей Кудрын 24 мая на нарадзе ў расійскім урадзе па бюджэце.
"Мы ўзгаднілі, што аб`ём прыватызацыі будзе не менш чым 2,5 мільярда долараў штогод, гэта значыць, сумарна ў выніку праграмы 7,5 мільярда долараў прыватызацыйных актываў павінна быць прадстаўленая", — цытуе Кудрына РІА Новости. Паводле слоў віцэ-прэм`ера, спіс актываў, выстаўленых для прыватызацыі на першыя два гады праграмы, павінен быць складзены на працягу трох месяцаў.
"Мы завяршылі падрыхтоўку ўсіх матэрыялаў для прыняцця рашэння па выдзяленні крэдыту Беларусі з антыкрызіснага фонду ЕўрАзЭС", — сказаў Кудрын.
Паводле яго слоў, з беларускім бокам узгоднены параметры крэдыту — 3 млрд. долараў на працягу трох гадоў. "У 2011 годзе з 3 мільярдаў долараў па просьбе Беларусі будзе выдзелены 1 мільярд 240 мільёнаў долараў. Першы транш будзе накіраваны на працягу тыдня пасля прыняцця рашэння антыкрызісным фондам", — паведаміў кіраўнік Мінфіна РФ, удакладніўшы, што першы транш складзе 800 мільёнаў долараў.
Паводле яго слоў, 4 чэрвеня адбудзецца сустрэча міністраў фінансаў краін СНД, на якой краіны — удзельніцы ЕўрАзЭС прымуць канчатковае рашэнне аб выдзяленні крэдыту Беларусі.
Як паведамляў БелаПАН, незалежныя эксперты скептычна ацэньваюць магчымасці продажу актываў на 3 млрд. долараў у найбліжэйшыя месяцы, як гэта рэкамендуе расійскі віцэ-прэм`ер Кудрын. У прыватнасці, на думку экс-кіраўніка Нацбанка Беларусі Станіслава Багданкевіча, эфектыўна прадаць актывы дзяржпрадпрыемстваў не атрымаецца з-за цяжкай эканамічнай, а таксама няпростай палітычнай сітуацыі ў Беларусі.
Што да крэдыту ў памеры 1 млрд. долараў, які Беларусь разлічвае атрымаць з Антыкрызіснага фонду ЕўрАзЭс, то ён пойдзе "на праяданне", лічыць Багданкевіч.
"Нам трэба сёння стабілізаваць валютны рынак, а гэта значыць, што нам патрэбны крэдыты на праяданне", — сказаў экс-кіраўнік Нацбанка.
Між тым, на думку Багданкевіча, "Расія і Кудрын разумеюць, што ў гэты момант немагчыма хутка збалансаваць гандаль". "Калі ў нас 2,5 млрд. долараў перавышэнне імпарту над экспартам, з чаго залічваць у ЗВР? Трэба аплачваць імпарт. Таму грошы пойдуць у тую ж Расію на аплату газу, сыравіны, камплектуючых, што яна пастаўляе", — сказаў ён.
Аляксей Арэшка, БелаПАН
Мінск, 24 мая 2011
"Мы завяршылі падрыхтоўку ўсіх матэрыялаў для прыняцця рашэння па выдзяленні крэдыту Беларусі з антыкрызіснага фонду ЕўрАзЭС", — сказаў Кудрын.
Паводле яго слоў, з беларускім бокам узгоднены параметры крэдыту — 3 млрд. долараў на працягу трох гадоў. "У 2011 годзе з 3 мільярдаў долараў па просьбе Беларусі будзе выдзелены 1 мільярд 240 мільёнаў долараў. Першы транш будзе накіраваны на працягу тыдня пасля прыняцця рашэння антыкрызісным фондам", — паведаміў кіраўнік Мінфіна РФ, удакладніўшы, што першы транш складзе 800 мільёнаў долараў.
Паводле яго слоў, 4 чэрвеня адбудзецца сустрэча міністраў фінансаў краін СНД, на якой краіны — удзельніцы ЕўрАзЭС прымуць канчатковае рашэнне аб выдзяленні крэдыту Беларусі.
Як паведамляў БелаПАН, незалежныя эксперты скептычна ацэньваюць магчымасці продажу актываў на 3 млрд. долараў у найбліжэйшыя месяцы, як гэта рэкамендуе расійскі віцэ-прэм`ер Кудрын. У прыватнасці, на думку экс-кіраўніка Нацбанка Беларусі Станіслава Багданкевіча, эфектыўна прадаць актывы дзяржпрадпрыемстваў не атрымаецца з-за цяжкай эканамічнай, а таксама няпростай палітычнай сітуацыі ў Беларусі.
Што да крэдыту ў памеры 1 млрд. долараў, які Беларусь разлічвае атрымаць з Антыкрызіснага фонду ЕўрАзЭс, то ён пойдзе "на праяданне", лічыць Багданкевіч.
"Нам трэба сёння стабілізаваць валютны рынак, а гэта значыць, што нам патрэбны крэдыты на праяданне", — сказаў экс-кіраўнік Нацбанка.
Між тым, на думку Багданкевіча, "Расія і Кудрын разумеюць, што ў гэты момант немагчыма хутка збалансаваць гандаль". "Калі ў нас 2,5 млрд. долараў перавышэнне імпарту над экспартам, з чаго залічваць у ЗВР? Трэба аплачваць імпарт. Таму грошы пойдуць у тую ж Расію на аплату газу, сыравіны, камплектуючых, што яна пастаўляе", — сказаў ён.
Аляксей Арэшка, БелаПАН
Мінск, 24 мая 2011
Ссылка на текущий документ: http://belarus.kz/aktueller/10-0/397/6683
Текущая дата: 15.11.2024