Генеральны сакратар Савета Еўропы Турб`ёрн Ягланд не выключае ў перспектыве ўступленне Беларусі ў СЕ.
Пра гэта ён заявіў 17 мая на прэс-канферэнцыі па выніках перамоў з кіраўніком МЗС РФ Сяргеем Лаўровым.
"Еўропа не абмяжоўваецца краінамі — членамі ЕС. У яе ўваходзяць у нашым разуменні 47 краін. Спадзяюся, хутка гэтая колькасць павялічыцца да 48 за кошт далучэння Беларусі", — цытуе Ягланда РІА Новости.
Савет Еўропы быў заснаваны ў 1949 годзе і з`яўляецца зараз міжнароднай палітычнай арганізацыяй, галоўная задача якой абарона правоў чалавека, развіццё дэмакратыі і ўмацаванне вяршэнства права на тэрыторыі ўсіх краін-удзельніц.
Беларусь застаецца адзінай еўрапейскай краінай, якая не ўваходзіць у Савет Еўропы. У 1993 годзе рэспубліка атрымала статус спецыяльнага запрошанага ў Парламенцкай асамблеі Савета Еўропы (ПАСЕ), але была пазбаўлена яго пасля рэферэндуму 1996 года, вынікі якога не прызнала міжнародная супольнасць.
У чэрвені 2009 года ПАСЕ прыняла рэзалюцыю аб вяртанні Беларусі статусу спецыяльнага запрошанага пры ўмове адмены смяротнай кары або ўвядзення мараторыя на яе.
У пачатку 2010 года ў Беларусі былі прыведзены ў выкананне два смяротныя прысуды, пасля чаго ПАСЕ рэкамендавала сваім членам не наведваць рэспубліку. Адзіным афіцыйным прадстаўніком ПАСЕ, які наведаў Беларусь пасля гэтага, стала дакладчык асамблеі па сітуацыі ў краіне Сініка Хурскайнен.
Таццяна Каравянкова, БелаПАН
Мінск, 17 мая 2011
"Еўропа не абмяжоўваецца краінамі — членамі ЕС. У яе ўваходзяць у нашым разуменні 47 краін. Спадзяюся, хутка гэтая колькасць павялічыцца да 48 за кошт далучэння Беларусі", — цытуе Ягланда РІА Новости.
Савет Еўропы быў заснаваны ў 1949 годзе і з`яўляецца зараз міжнароднай палітычнай арганізацыяй, галоўная задача якой абарона правоў чалавека, развіццё дэмакратыі і ўмацаванне вяршэнства права на тэрыторыі ўсіх краін-удзельніц.
Беларусь застаецца адзінай еўрапейскай краінай, якая не ўваходзіць у Савет Еўропы. У 1993 годзе рэспубліка атрымала статус спецыяльнага запрошанага ў Парламенцкай асамблеі Савета Еўропы (ПАСЕ), але была пазбаўлена яго пасля рэферэндуму 1996 года, вынікі якога не прызнала міжнародная супольнасць.
У чэрвені 2009 года ПАСЕ прыняла рэзалюцыю аб вяртанні Беларусі статусу спецыяльнага запрошанага пры ўмове адмены смяротнай кары або ўвядзення мараторыя на яе.
У пачатку 2010 года ў Беларусі былі прыведзены ў выкананне два смяротныя прысуды, пасля чаго ПАСЕ рэкамендавала сваім членам не наведваць рэспубліку. Адзіным афіцыйным прадстаўніком ПАСЕ, які наведаў Беларусь пасля гэтага, стала дакладчык асамблеі па сітуацыі ў краіне Сініка Хурскайнен.
Таццяна Каравянкова, БелаПАН
Мінск, 17 мая 2011
Ссылка на текущий документ: http://belarus.kz/aktueller/10-0/400/6530
Текущая дата: 25.12.2024